Давлат ёки муниципал хизмат ҳақида ахборотни қандай олиш мумкин

Хизматдан фойдаланиш учун, аризачи қўйидагиларни тушуниши керак:

  • Унинг хизматдан фойдаланиш ҳуқуқи борми
  • У қаерга, кимга ва қайси манзил бўйича мурожаат қилиши керак
  • У қайси ҳужжатларни тақдим этиши лозим
  • Хизмат қанча туради

Россия қонунчилигида аризачиларни хабардор қилиш юзасидан қатъий талаблар бор.

27.07.2010 йилдаги 210-ФЗ-сонли “Давлат ва муниципал хизматларнинг тақдим этилишини ташкил қилиш тўғрисида” Федерал қонунига мувофиқ, аризачи (шу жумладан чет эл фуқароси ва фуқаролиги бўлмаган шахс) давлат ва муниципал хизматларнинг тақдим этилиши тартиби ҳақида тўлиқ, долзарб ва ҳаққоний ахборотни сўраш ва олиш ҳуқуқига эга бўлади.

Хизмат (ҳужжатларнинг рўйхати, хизматнинг қиймати) ҳақида ахборотни нафақат шахсан қабулга кирганда, балки телефон ва электрон почта орқали олиш мумкин.

Агар Сиз хизматдан фойдаланиш учун қаерга мурожаат қилиш кераклигини билмасангиз:

  1. Интернетда маълумот қидириб кўринг, кимдир шу масалани аввал ҳал қилган бўлса керак.
  2. Идоранинг расмий сайтига киринг, унинг фаолият ҳақидаги низоми ва хизматларнинг рўйхати билан танишиб чиқинг, давлат (муниципал) хизматнинг Маъмурий регламенти билан танишиб чиқинг.
  3. Давлат ва муниципал хизматларнинг Ягона порталида www.gosuslugi.ru ёки Пермь ўлкасининг давлат ва муниципал хизматларнинг Порталида www.gosuslugi.permkrai.ru ахборотни излаб кўринг.
  4. Ҳокимият органига ёки муниципалитетга электрон почта орқали сўров юборинг ёки телефон қилинг. Қонунга мувофиқ ҳокимият органлари биринчи талабга асосан ўз ваколатлари ҳақида маълумотни тақдим этиши лозим.

Ҳокимият органининг расмий сайтига киринг

Ҳар бир идора ўзининг расмий сайтида ўз ваколатлари, кўрсатиладиган хизматлар ҳақида маълумотни, хизматларнинг Маъмурий регламентлари матнини, ишлаш жадвалини эълон қилиши лозим.

Маъмурий регламентнинг матни билан танишиб чиқинг

Агар Сиз давлат ёки муниципал хизматдан фойдалансангиз – ҳокимият органига мурожаат қилишдан аввал албатта Маъмурий регламент билан танишиб чиқинг. Регламентда хизмат ҳақидаги маълумотни тақдим этиш тартиби, хизматни кўрсатиш ва шикоятларни бериш тартиби, хизматнинг қиймати, уни кўрсатиш муддатлари батафсил баён этилган ва масъул шахслар кўрсатилган. Барча хизматлар учун Маъмурий регламентлар мавжуд, регламентларнинг матнлари ахборот стендларида, расмий сайтларда ва давлат ва муниципал хизматларнинг порталларида эълон қилинади.


© Фонд "Центр гражданского анализа и независимых исследований"

При реализации проекта используются средства государственной поддержки, выделенные в качестве гранта в соответствии с распоряжением Президента РФ от 18.09.2013 № 348-рп, и на основании конкурса, проведенного Движением «Гражданское достоинство»

2014 - 2024