Қандай қилиб тўғри шикоят қилиш керак
Давлат ёки муниципал хизматларни тақдим этувчи органларнинг қарорлари ва ҳаракатлари (ҳаракатсизлиги) устидан, судга мурожаат қилмай туриб, шикоят қилиш мумкин.
Бунинг учун шикоятни тайёрлаш ва юбориш керак. Шикоятлар доимо юқори турувчи органга – яъни ҳуқуқларни бузувчи идора маъмурий жиҳатдан бўйсунадиган органга юборилади. Юқори турувчи ташкилотни аниқлаш қийин эмас – унинг ҳақидаги маълумот идоранинг Маъмурий регламентларида ва қабул қилиш жойларида ахборот стендларида бўлиши лозим.
Агар устидан шикоят қилинса
- идора ходимларининг ҳаракатлари – Шикоят кимга юборилади Идоранинг раҳбарига
- муниципал идораларнинг ҳаракатлари ва қарорлари – Шикоят кимга юборилади Муниципалитетнинг бошлиғига
- худудий вазирликлар ва идораларнинг ҳаракатлари ва қарорлари – Шикоят кимга юборилади Пермь ўлкасининг Ҳуқумати Раисига
- федерал идоралар бўлимларининг ҳаракатлари – Шикоят кимга юборилади субъект бўйича тегишли федерал идоранинг бошқармасига
- Субъект бўйича федерал идораларнинг ҳаракатлари ва қарорлари – Шикоят кимга юборилади Москвадаги ижроия ҳокимият органининг тегишли федерал органига
Судгача ҳал қилиш тартибида шикоят қилиш мумкин бўлган ҳуқуқбузарликларнинг рўйхати:
- давлат ёки муниципал хизматлардан фойдаланиш ҳақида аризанинг рўйхатдан ўтказиш муддатининг бузилиши;
- давлат ёки муниципал хизматни тақдим этиш муддатининг бузилиши;
- давлат ёки муниципал хизматни тақдим этиш учун кўзда тутилмаган ҳужжатларни талаб қилиш;
- давлат ёки муниципал хизматни тақдим этиш учун тақдим этилиши кўзда тутилган ҳужжатларни қабул қилишни рад этиш;
- давлат ёки муниципал хизматни тақдим этишни ноқонуний рад этиш;
- давлат ёки муниципал хизматни тақдим этиш учун кўзда тутилмаган тўловни талаб қилиш;
- давлат ёки муниципал хизматни тақдим этиш натижасида берилган ҳужжатларда йўл қўйилган хатоларни тузатишни рад этиш (ёки бундай тузатишларнинг белгиланган муддати бузилиши).
Сиз шикоятни бевосита идорага юборишингиз (оддий хат билан ёки электрон почта орқали), шунингдек уни идоранинг расмий сайти ёки давлат ва муниципал хизматларнинг Ягона портали www.gosuslugi.ru орқали беришингиз мумкин.
Шикоят ўн беш иш куни давомида кўриб чиқилади.
Ҳужжатларни қабул қилишни ёки йўл қўйилган хатоларни тузатишни рад этиш устидан шикоят қилинганда (ёки бундай тузатишларнинг белгиланган муддати бузилиши устидан шикоят қилинганда) – беш иш куни давомида кўриб чиқилади.
Қонунга мувофиқ шикоятни кўриб чиқадиган шахс, шикоятингизни Сиз устидан шикоят қилган органга кўриб чиқиш учун юборишга ҳақли эмас. Ушбу қоида, шу жумладан аризачиларни ҳимоя қилиш мақсадида киритилган. Ушбу тақиқлашни бузган амалдор Сизнинг аризангиз асосида РФ МЖКнинг 5.59 моддасига кўра маъмурий жавобгарликка тортилиши ва 5 мингдан 10 минг рублгача бўлган жаримани тўлаши мумкин.